• Email: llingua@mcabop.com
• Horario: En Candás, martes y jueves de 10 a 14 horas.
  En Luanco, lunes, miércoles de 10 a 14 horas, viernes de 9 a 14 horas.

Oficina Candás - Carreño
Centro Polivalente La Baragaña 
C/ Bernardo Alfageme, 5
33430 - Candás - Carreño
Telf. / Fax: 985 87 24 06

Oficina de Luanco - Gozón
C/ El Fuerte s/n
33440 Luanco - Gozón
Telf. 985 88 35 32
Fax 985 88 36 38

La llingua asturiana afítase como parte sustancial del patrimoniu cultural d'Asturies cosa que l'alministración pública, en collaboración con entidaes y asociaciones, reconocemos y atendemos, siguiendo un principiu d'elemental respetu y valoración de la diferencia. Asina, los conceyos que faen un usu públicu y visible del Asturianu ofrecen a la ciudadanía un serviciu que protexe los sos derechos llingüísticos; potencien activamente'l patrimoniu cultural y llingüísticu dándo-y garantíes de sobrevivencia y, en definitiva, fomenten la imaxe cultural de los propios conceyos favoreciendo'l conxuntu de los atractivos que los visitantes son a disfrutar; esto ye, aquellos conceyos qu'ufierten diferencia, tienen mayores y meyores posibilidaes de ser receptores de visita qu'aquellos que vienden más de lo mesmo. 

 Esta normalización llingüística supón un refileru de midíes onde vamos poder atopar l'Asturianu: na imaxe corporativa (logotipu de los organismos municipales, rotulación de dependencies municipales o locales que dependen del conceyu...); na documentación, anuncios y publicidá municipal; nos medios de comunicación; nos lletreros y rótulos de víes públiques asina como los nomes de los llugares de los conceyos; na vida comercial y empresarial; na formación llingüística de ciudadanos y funcionarios; na ufierta cultural, etc.

El Serviciu de Normalización Llingüística ye un serviciu qu¿ufierta la Mancomunidá del Cabu Peñes y que vien faciendo abondes actividaes empobinaes a la consecución d¿una plena normalización de la Llingua asturiana nel nuestru ámbitu d¿actuación tratando que l¿Asturianu tea presente nos sos servicios y poniendo en marcha programes empobinaos a la población y a les entidaes asociatives culturales o empresariales de los conceyos de Carreño y Gozón asesorándolos mesmamente de toa una riestra de subvenciones del Principáu  pa toes aquelles asociaciones y/o entidaes que tengan l'enfotu de facer un usu dignu de la llingua asturiana.